تعلّم نظام المحل في 5 دقائق
— بالصور وخطوة بخطوة

الدُستة في نظام المحل معناها وحدة بيع بالجملة: بدل ما تبيع 12 قطعة قطعة قطعة، تبيع «دستة» مرة واحدة. أول ما تحفظ أي منتج في الباقة الاحترافية، النظام بيعملك تلقائياً 4 وحدات جاهزة بأسعارها الصح: ربع دستة (3 قطع)، نص دستة (6 قطع)، دستة (12 قطعة)، ودستة و نص (18 قطعة) — وكل وحدة سعرها = سعر القطعة × العدد.

من نقطة البيع تختار الوحدة من قايمة جنب الصنف، والنظام يخصم 12 قطعة من المخزون مرة واحدة ويكتب في الفاتورة «دستة». ولو غيّرت سعر القطعة، أسعار الوحدات بتتحدث لوحدها. مش لاقي الوحدات؟ زر واحد «وحدات الدستة تلقائيًا» بيعملها في أي وقت، وتقدر تضيف وحدات بأسمائك زي «كرتونة» بعدد قطع تحدده بنفسك.

فكرة بسيطة جداً: في الجملة انت بتبيع بالكرتونة بسعر متفق عليه، لكن لما تجي تبيع قطعة واحدة لعميل قطاعي، إيه السعر الصح؟ النظام بيحسبهولك: سعر القطعة = التكلفة + هامش ربح %. الهامش الافتراضي 20% وبتتحكم فيه من الإعدادات، وعندك حرية تحدد نسبة خاصة لمنتج معين.

بعد ما تفعّلها من الإعدادات ← «تسعير القطعة التلقائي»، هتلاقي عمود جديد في صفحة المنتجات مكتوب جنبه «تلقائي»، وسعر القطعة بيظهر جاهز في الكاشير فوراً. مهم تعرف: أسعار الجملة (الدستة وغيرها) بتفضل زي ما هي — الميزة دي بتنظم البيع القطاعي بس.

ده كنز باقات الملابس — متاح في الأساسية والاحترافية. بدل ما تدخل كل مقاس ولون يدوي، افتح منتجك ← «الألوان والمقاسات» ← «مساعد الإدخال الذكي»، واكتب جملة عادية زي: «كوتشي فلات أسود وكحلي مقاسات زوجي من 40 لـ 44 والكمية قطعتين». دوس «تحليل» وهتلاقي جدول جاهز بكل التركيبات: أسود 40، أسود 42، أسود 44، كحلي 40... إلخ.

النظام بيفهم ألوان بالعامية (بمبي = وردي، موف = بنفسجي)، ومقاسات بالحروف (سمول لـ 5XL) وبالأرقام (مع «زوجي» و«فردي»)، وكميات مكتوبة بالكلام (قطعتين = 2، نص درزن = 6). راجع الجدول، عدّل اللي عايزه، واضغط «إضافة الكل» — وكل تركيبة بياخد باركود خاص بيها تلقائياً. وكل ده بيشتغل محلياً من غير إنترنت ولا تكلفة إضافية.